Page 191 - Алаатыыр Ала Туйгун. 2-с үйэтэ

— Аҕыс атахтаах
Адьарай бөҕөлөр
Арааһынай даҕаны
Албастаах буолаллар эбит, — диэтэ.
Араҕас сиэр
7640 Атын үрдүгэр
Өксөкү кыыл курдук
Дап гына олоро түстэ,
Айаннаабытын курдук
Айаннаан сиксиритэ турда.
Уолан киһи
Уоһун хаанын
Супту оборо турар
Оботгоох салгыннаах,
Эдэр киһи
7650 Имин хаанын
Кубарыччы охсо турар
Имэҥнээх иҥсэлээх,
Дьэбир тыаллаах,
Өркөн кымньыыны
Өрө туттахха,
Үөһэ быһаҕаһынан
Быһа охсон барар
Сытыы чысхааннаах,
Талах кымньыыны
7660 Таҥнары туттахха,
Алын быһаҕаһын
Быһа охсон барар
Часкыйар саталаах,
Сай күдүө
Дьабыл хара
Дайды устун
Дьалкытан истэ.
Буур тайах муоһун
Булгурута охсон барар
7670 Буолунай буурҕалаах
Дойду устун
Будулутан истэ.
Быыра таба муоһун
Быһыта сынньан барар
Батыйа биитин курдук
Быһынтай тыаллаах,
Хабырыта хата турар
183
-