Page 189 - Алаатыыр Ала Туйгун. 2-с үйэтэ

Кутаа уот
7550 Өрө субуруйан истэ.
Умайар уот куйаастаах
Дойду уораһыйар улаҕатыгар
Уурдаран оҕустаран,
Унуордаан тахсыбыта
Суолун икки өртүнэн
Чубугуруу-чубугуруу
Чохчороҥнуу сүүрэ сылдьар
Тимир-бороҥ чөкчөҥөлөөх,
Барылыы-барылыы
7560 Багдараҥныы сүүрэ сылдьар
Бар дьаҕыл бараахтаах,
Дьэс тэриэлкэ курдук
Дьэбидийэн костер
Икки эйгээн* көлүйэ
Эрэлийэ сытар эбит.
Онно тиийэн өйдөнөн көрбүтэ —
Аттыын - бэйэлиин
Күөмэйдэрэ куурбут,
Көхсүлэрэ куоспут,
7570 Утатыы гиэнэ
Улаханын утаппытгар.
Ууну көрбөтөх ыраатта,
Утах иһэн
Уоскуйа түһэн ааһыахха диэн,
Ойон түһэн,
Уҥа диэки көлүйэттэн
Омурдаары гынан эрдэҕинэ,
Хаҥас диэки көлүйэ
Чиэппэр холобурдаах
7580 Дэбилис гынна,
Быһаҕаһа холобурдаах
Бысхас гынна,
Улаҕа өртүттэн
Долгуһус гынна:
— Урут миигиттэн
Уулаа, — диэн баран,
Түгэҕиттэн үрдүгэр тиийэ,
Түллэхис гына түстэ.
Тиит мае курдук
7590 Чинэрис гынна,
Дьиибэргии санаата.
- 181 -