Page 187 - Алаатыыр Ала Туйгун. 2-с үйэтэ

Сис хара тыата
Сиһик ойуур буолан,
Сиидэлэнэн-сиксиллэн,
Симэли йэн-уостан,
Кылбаччы эстэн,
Кытыастан өрүкүйэн,
Кыһыл кумах дойду буолан,
7470 Кыъщааннанан-саталанан,
Кытыастан-өрүкүйэн,
Дьыбарданан-чысхааннанан,
Түһэн барда.
Тайҕа хара тыалара
Сарт кыылым кутуругун
Сарбынньахтыы туппут курдук
Сараадыйан тарҕанан,
Тамыччы баранна.
Дьалхааннаах-анысхааннаах,
7480 Саталаах буурҕалаах
Дьабыл хара дойду буолан,
Дьалкыллан барда.
Түгэҕэ көстүбэт
Дьөлөркөй көҥүстэрдээх,
Анна биллибэт
Анъшыһар аппалардаах,
Сиксигэ биллибэт
Дириҥ кэҥистэрдээх,
Мунура биллибэт
7490 Муус уорааннаах,
Он ойдор көстүбэт
Үмүрүйэр үөдэннээх,
Чолойдор көстүбэт
Сууллар турууктаах,
Хаптайдар көстүбэт
Хабырыттар хайалаах,
Кыскыйа турар кыыдааннаах,
Часкыйа турар саталаах,
Үөскүүр кыыл сүөл үөскээбэтэх,
7500 Үүнэр от-мас үүммэтэх
Үөдэн таһаан,
Элэй-мэлэй
Эрбэдиһин дуоһун
Иччитэх куйаар
Энэһийэн истэ.

- 179 -