Page 188 - Алаатыыр Ала Туйгун. 2-с үйэтэ
P. 188
Ол анарааҥҥы тардыытыгар
Харах көрөрүнэн
Хара күлүктээх көстүбэт,
Хамсыыр харамай биллибэт,
7510 Соҕотох хороҥ от
Чороччу быкпатах,
Биир сэппэрээк мае
Сэрбэччи үүммэтэх,
Таммах сар
Самыыр таммалаабатах,
Сил саҕа
Сиик түспэтэх.
Удьааҕа сомсуох
Уу мэлигир,
7520 Хабырыта хаппыт
Хайыр таас,
Кубарыйа куурбут
Куугунас кумах,
Кулуһун дуоһун
Дойду устун
Куугунатан истэ.
Ол анарааҥҥы тардыытыгар
Үөл эти
Үтэһэ төбөтүгэр
7530 Өтөрү үөлэн баран,
Өрө туттахха
Сырылаччы буһан хаалар
Кубарыйар уот куйаастаах
Дойду устун
Дьабыдытан-дьалкытан,
Түһэн барда.
Салгын салгыйбатах,
Сөрүүн түспэтэх,
Күлүк көстүбэтэх,
7540 Туох да ааттаах
Дурда аата мэлигир.
Туус кубаҕай,
Туос кураанах,
Дьулаахыр халтаҥ,
Дьулусхан таас
Дойду устун
Атын түөрт туйаҕыттан
Түөрт холлоҕостоох
- 180 -
