Page 192 - Алаатыыр Ала Туйгун. 2-с үйэтэ

Хабараан дьыбардаах,
Үөл эти
7680 Өрүтэ салыы турар
Өрүкүйэр күдэннээх,
Собулҕа эти
Логлорута хаба турар
Дохсун тымныылаах,
Төгүрүк куйахтаах,
Дьөлө үктээбэт
Дьулусхан ньуурдаах,
Хаптаҕай уллуҥахтаах,
Таба тэбиммэт
7690 Халлараан хайысхалаах,
Саас-үйэ тухары
Дьан хата кырыата
Ньалҕарыйа сорумматах,
Тоҕуһун үйэтин тухары
Тоҥ мууһа дьуххарбатах,
Ырбыыта аппатах,
Ычата сылаарбатах,
Чыгдата көппөтөх,
Чысхаана астыбатах,
7700 Мунурун булларбатах
Муус Кудулу байҕал
Улаҕа өртүгэр
Унуордаан тахсыбыта.
Таннары хайыылаах
Тардыһа турар
Часкыыр хара мастаах,
Умсары сэлгиэхтээх
Оборо сытар
Оботтоох оттоох,
7710 Төттөрү дэгиэлээх,
Дьөлүтэ тыыта турар
Сүлүһүннээх үөттээх,
Хайыта тарда турар
Хаһыытыыр-часкыйар
Хара ыарҕалаах,
Сиритэ тыыта сылдьар
Тимир сигиди сэтиэнэхтээх,
Барыара хараҥарбыт
Барык-сүрүк халлааннаах,
7720 Дьиэһийэ иһийбит им-дьим
- 1 8 4 -