Page 194 - Алаатыыр Ала Туйгун. 2-с үйэтэ

Илдьиритэ тэпсэн кэбиспитэ —
Ат баҕа атаҕын курдук
Адаарыйбыт атахтаах,
Иһин курдук
Иннинэн - кэн нинэн
Эбириэн истээх,
7770 Төбөтүн курдук
Иккилии чолойбут төбөлөөх,
Ынырык үлүгэр
Ырбайбыт айахтаах
Икки абааһы кыргыттара
Өлөн ардьас гынан хааллылар.
Бу буоллаҕына
Уоран-талаан барбыт
Улахан түөкүн,
Омуннаах оруспуонньук
7780 Обот чупчурҕан
Уот Субурҕа бухатыыр
Үөһээ бөҕө
Үс кубулҕат төрдүттэн
Өлүү Мэҥиэстэй
Удаҕаны түһэрэн,
Аллараа бөҕө
Албас хара төрдүттэн
Ап маҕалай
Ударны таһааран,
7790 Аҕыс уон
Ааһар бөҕө албаскытынан
Алаатыыр Ала Туйгуну
Аттыгар тоһуйан,
Сиэриҥ диэн,
Тоһуттарбыт эбит.
Биир урут сиэбиккитигэр
Сэттэ хос дьэс эмэгэт
Мэтээли биэриэх,
Тоҕус хос кулан иирик
7800 Куортугу туттарыах буолбут эбит.
Ол иһин
Аллараа дойду
Абааһытын кыыһа
Урут сиэри гынна диэн,
Үөһээ дойду абааһытын кыыһа
Аат быдьаһаннар,
- 186 -