Page 230 - Алаатыыр Ала Туйгун. 2-с үйэтэ
P. 230
9310 Иэһийэ хараҥа
Дайды буолан,
Иҥнэри тардан
Иҥсэрэн истэ.
Көстүбэт бөҕө күтүрдээҕэ
Күөдэлиһэн түһэр суола
Көҥкөлөй үүтүн курдук
Көҕүрүйэн кеһүннэ.
Ол аартык төрдүгэр
Икки тоҥ
9320 Булгунньах саҕа
Тимир тиистээх тыҥырахтаах
Таллан таас
Торҕон бөрө кыыллар
Утарыта хапсыһа олорор
Сирдэрэ буолла.
Онно тиийэн
Алаатыыр Ала Туйгун
Абааһытын уолун
Киксэрэ-киһиргэтэ турда:
9330 — Охсуулаах Уоһуйа Хара бухатыыр,
Эн диэтэх киһи
Ити торҕон бөрө кыылларга
Туоххун да тыыттарбакка,
Сулбу ойон таҕыс эрэ.
Хайдах курдук
Эр бэрдэ
Элик үтүөтэ эбиккиний,
Сыыдам быһыйгыный,
Сылбаргы бөҕөскүнүй.
9340 Албан ааккын
Аллараа-үөһээ дайдыларга
Арбаан туран аатырдыам,
Дьоһун сураххын
Туспа-туспа дойдуларга
Чуораадыйан сураҕырдыам,
Эн кэннигиттэн
Мин ыстанан көрүөм, — диэтэ.
Инньэ диирин кытта
Уоһуйа Хара бухатыыр
9350 Умсары түстэ,
Төттөрү төкүнүйдэ
Куочай соллоҥ куоска буолан,
222
-
