Page 229 - Алаатыыр Ала Туйгун. 2-с үйэтэ

Сулбу ойон ааһан хааллылар.
Абааһы уола
Сана аллайда:
9270 — Оо, ити киһи
Алдьанна ээ, бадаҕа, — диэтэ
Охсуулаах Уоһуйа Хара бухатыыр
Ол гынан баран
Оллороот-боллороот
Дойду уступ
Оһой-боһой тэбинэ турда.
— Тойонуҥ Уот Субурҕа бухатыыр
Сирэ-дойдута,
Дьиэтэ-уота
9280 Төһө-хачча хаалла, — диэтэ
Алаатыыр Ала Туйгун:
— Ээ, ээ, ыраах, ыраах
Сах киһитин дайдыта
Дьөксө иннибитигэр
Туох-туох баара буолла, — диэтэ
Абааһытын уола.
Ол гынан баран
Сылайбыт-сындалыйбыт
Киһи быһыытынан
9290 Кыдьылгы хара
Аартык устун
Кыдьах-кыдьах сүүрэн
Кыдьыгылдьыйан истэ.
Үөл от-мас үүммэтэх,
Үөскүүр кыыл-сүөл үөскээбэтэх,
Үрүҥ күн тахсыбатах,
Үөдэн-таһаан
Өл үү дойдута буолан
Өлбөөдүйэн барда.
9300 Көтөр-сүүрэр тохтооботох,
Көнчөх бараах көппөтөх,
Хамсыыр харамай
Ханна да суох.
Сүөдэҥниир-бэриҥниир,
Тыынар тыыннаах
Төрүт көстүбэт,
Имириир тыастаах
Этириэс мэлигир.
Иччитэх-барыный
- 221 -