Page 249 - Алаатыыр Ала Туйгун. 2-с үйэтэ

Ол анарааҥҥы өртүгэр
Тутан көрбүт киһи
Тута-бааччы
10130 Кур унуох буолан
Кубарыйа хатан хаалар
Күп гынар
Күлүгүрүүр күлүүстээх,
Түп гынар түптүрдээх
Дьөлөккөй үөдэн
Түгэҕэ буолуо.
Ол анарааҥҥы өртүгэр
Харбаан көрбүт киһи
Хаппыт кэрэх
10140 Тириитэ буолан,
Хаччаччы хатан
Хараара өлөн хаалар
Халыгырыыр хатааһыннаах
Хап гынар хаппахтаах
Хамсык хара дайды буолуо.
Ону ааһар
Албастаах буоллаххына,
Ыйыста турар
Ынырык ыыспаҕа,
10150 Мэҥиэстэ турар
Бэтиэхтиир бэлэс
Төрдө буолбут
Тардан ыла турар
Таан-Тараты
Түҥкүнүүр түгэҕэр,
Түүнүктээх сиксигэр
Түһүөҥ эбитэ буолуо.
Ол түгэх дойдуга
Хайа да бэйэлээх
10160 Ааһар албастаах,
Куотар кубулҕаттаах,
Кыайан-сатаан
Тиийбэт сирэ буолуо.
Арай бу алдьархайдаах
Аллараа дойдуга
Аҕыс хос төбөлөөх
Аптаах моҕой үөн баар буолуо.
Ону булбут киһи
Ол түгэх дойду

241 -