Page 288 - Алаатыыр Ала Туйгун. 2-с үйэтэ

Тардыылаах саабыла,
Уолугун түүтэ
Уһуктаах үҥүү,
Көхсүн түүтэ
Көр болот,
Хабаҕын түүтэ
11810 Хататүөрбэ,
Үҥүү-батас тынырахтаах,
Сойуо-болгуо тумустаах,
Өрүөстээх төбөлөөх
Өксөкү кыыл буолан,
Өстөөҕүн өлөрөн,
Дьаныардааҕын сарбыйан,
Санаатын ситэн,
Саргыта көтөҕүллэн,
Өрөгөйө үрдээн,
11820 Өлөр өлүү
Луо байҕал
Үллэр үөһүттэн,
Өрүкүйэр долгунуттан
Өрө дайан тахсан,
Өркөн устатын холобурдаах,
Үөһээ күөрэйэн иһэн,
Төтгөрү тардыллан,
Тимирэн дэбилис гынна,
Төбөтө чочойон хаалла.
11830 Иккиһин дапсыйан
Көтөөрү гыммыта —
Арсан Дуолай оҕонньор
Ардьархайдаах албастаах
Аптаах кыыһа
Өл үү Луо байҕал иччитэ буолбут
Ап Салбаныкы удаҕан
Тоҕус сарадах
Дьааттаах илбистээх
Даллан хамсык тылынан
11840 Уу хонноҕун анныттан
Муос тыныраҕын
Төбөтүгэр диэри
Дугуур хамса
Быатын курдук
Чороччу эрийэн баран,
Ыйыстаары гыммыта —

- 280 -