Page 289 - Алаатыыр Ала Туйгун. 2-с үйэтэ

Икки табыталыттан иҥиннэрэн
Кыайан ыйыстымына
Дьүккүҥнээн эрэр эбит.
11850 Өксөкү кыыл
Өрүтэ үөмэхтээтэ,
Өрө даллаҥнаата,
Көтөөрү күпсүйдэ,
Дайаары далбаатаата.
Тардыалаһыы гиэнэ
Кытаанаҕын тардыаластылар,
Мөхсүү гиэнэ
Эрилгэннээҕин эристилэр.
Өксөкү кыыл
11860 Үөһээ көттөҕүнэ,
Абааһы кыыһа
Хонноҕун анныгар диэри
Уу сирэйигэр
Даллас гынар.
Абааһы кыыһа
Аллараа тартаҕына,
Өксөкү кыыл
Муора уутугар
Моонньоох баһа чочос гынар.
11870 Тимирэ-тимирз дагдаҥнаатылар,
Умса-умса күөрэйдилэр.
Өлүү Луо байҕал
Түгэҕиттэн түллэн нээтэ,
Сиксигиттэн дэбилийдэ,
Ортотунан омуннанна,
Толоостук долгуннанна,
Баһааннык баалланна,
Үрдүктүк өрүкүйдэ.
Алдьархайдаах аллараа дайды
11880 Адалыйар алта
Биис уустарын
Муора уута
Мотуохтаан тахсан,
Байҕал уута баалланан,
Үрдүлэринэн өрүкүйдэ.
Дэбилийэн тахсан,
Сирдэрин-дайдыларын
Тимирдэр гына
Харса суох халааннаата,
- 281