Page 305 - Алаатыыр Ала Туйгун. 2-с үйэтэ

Хаҥырҕастаах хаппахчытын
Хаҥас өртүн диэки
Халбарыччы хааман тиийбитэ —
Хотун ойоҕо
Оһуордаах оронугар,
12540 Дьэрэкээннээх тэллэҕэр,
Соһуулаах суорҕаныгар
Суһуоҕа субуруйан,
Ньуура туналыйан,
Имэ тэтэрэн,
Эмиийэ тэрэйэн,
Итгэннэри түһэн,
Утуйа сытар эбит.
Сындалҕаннаах сырыыга сылдьан,
Сылайан-ыран,
12550 Кэлбит киһи быһыытынан
Сымнаҕас ороҥҥо сытан,
Сылаас эккэ сыламнаан,
Сылбай уутун утуйан,
Сылаатын таһаара түһээри,
Оһуордаах-дьэрэкээннээх
Оронун сыҥаһатыгар
Олоро түһэн,
Уоскуйан сынньанан,
Уһугуннарар толкуйунан,
12560 Эйэлээх доҕоруттан
Истиҥ тылы кэпсэтээри,
Иһирэх санаатын этээри,
Эттиин-хаанныын холбоһоору,
Уу хоннохпут анныттан
Утарыта куустуһа сытаммыт,
Уураһан-сыллаһан,
Уохпутун харатан,
Уоскуйуо этибит диэн,
Уку-суку хааман,
12570 Оронун сыҥаһатыгар
Олоро түһээри гыммыта —
Ойоҕо барахсан
Улаҕа өтгүгэр
Быһый киһи быһыылаах,
Күүстээх киһи көрүҥнээх,
Модьу-дьадьы* мөссүөннээх,
Киһи гиэнэ кэрэмэһэ,
- 297 -