Page 304 - Алаатыыр Ала Туйгун. 2-с үйэтэ

Көрүлүүр көмөҕөйүгэр,
Көй киинигэр,
Көмүс үргүнньэҕэр,
Күдүөрүйэн олорор
Иэримэ дьиэтигэр,
Аан алаһатыгар,
Кэтит ордуутугар,
Кэкэ чуоругар,
12500 Баараҕай уорук
Баларнын таһыгар
Дьоруо ат
Таба дугунан ааспат
Тоҕус туллук кыылым
Т охтообокко-тутуспакка,
Дьурулуу сүүрэр
Дьулусханнаах дьулуо маҕан
Тусаһатын ортотугар
Айыылаах киһи
12510 Аттыгар барбат,
Буруйдаах киһи
Букатын чугаһаабат,
Үрдүгэр өксөкүлээх
Үс моонньохтоох,
Сиэллээх-дэйбиирдээх,
Тойон баадай
Сэргэтин төрд үгэр
Ата тиийэн,
Харыс гына түстэ.
12520 Алаатыыр Ала Туйгун
Ойон түстэ,
Байым-сайым дайбаата,
Бадьыр-идьир үктэннэ,
Ниһир-наһыр тэбиннэ,
Сэттэ тэтиэнэх киһи
Нэһииччэ сэгэтэн киирэр
Дьиппиэн хара халҕанын
Тэлэйэ баттаан киирэн,
Дьиэтин ортотугар
12530 Дьиэрбэс гына түстэ.
Тула көрөн кэбиспитэ —
Дьоно бука бары
Түлүк ууларыгар түһэн
Утуйа сыталлар эбит,

- 296 -