Page 75 - Алаатыыр Ала Туйгун. 2-с үйэтэ

Манна буоллаҕына
2820 Самыырдаах халлааҥҥа таһаарбакка,
Былыттаах халлааҥҥа
Быктарбакка,
Өксүөннээх күҥҥэ өҥөттөрбөккө
Үөскэтэн оҕолообут
Аҕыс былас суһуохтаах
Айыы Ньулурдаан Куо диэн
Балыстаах этим.
Ону буоллаҕына
Уобар соллоҥ иҥсэлээх,
Оһол-төрүөт олохтоох,
2830 Обоггоох-чупчурҕаннаах
Отут удулҕаччы хара удьуордарын
Торолуйар тойоно буолбут
Ускунньахтаах Уот Кутаалыҥса
Уоҕан уола Өксөкүлээх Биэхэстэй
Үөлэн харбыалака хара аттаах
Өһөгөйдөөх санаалаах
Өлөр өлүү Түбүлээн Хара
Бухатыыр кэлэн
Былдьаан-талаан бараары,
2840 Күтүрдээх абааһы
Күһэйэн турар.
Уон тарбахтаах
Утары дуксуйбатах,
Икки атахтаах бииһин
Ирдээн туран эспит,
Тохтообут сирин тобоҕолуур,
Хоммут сирин кураанахтыыр,
Аартыгар түбэспити алдьатар,
Суолугар түбэспити
2850 Туора хабар,
Иннигэр кэлбити эһэр,
Тимир тиистээх дэриэтинньик
Суостаах абааһыны
Туох да ааттаах
Дохсун күүһүнэн
Туруулаһан даҕаны
Тохтотор күүс суох буолан,
Албыннаһан эрэ
Арадьыта сатаабыппыт.
2860 Аҕыс былас суһуохтаах
- 7 1