Page 77 - Алаатыыр Ала Туйгун. 2-с үйэтэ

Туох үтүө сүбэлээххиний,
Туох күүс-көмө
Буолардааххыный, — диэтэ.
Инньэ диирин кытта
Алаатыыр Ала Туйгун
Олорор сиритгэн
2910 Ойонтурда:
— Аҕыс атахтаах
Адьарай бөҕө
Адцьархайдаах адьырҕатыттан,
Көстүбэт бөҕө күтүрдээҕиттэн
Куттанан чугуйан,
Туран биэрэрбит
Сүрэ бэрт буолуо.
Күөн көрсөн,
Күрэс былдьаһан,
2920 Көстүбэт бөҕө күүстээҕин
Күн сириттэн күөдүлүтүөхпүт,
Айыы сириттэн адылытыахпыт.
Онуоха буоллаҕына
Нарын Ньургустай
Таһырдьа диэки
Оноҕос курдук
Урбачыс гынна,
Ойон таҕыста.
Бухатыыр киһи
2930 Тута баттаан тахсан,
Тусаһа ортотугар
Тура түстэ.
Нарын Ньургустай
Алаатыыр Ала Туйгун диэки
Тонолуппакка көрөн туран,
Сана саҥара турбута үһү:
— Дьиэ буо,
Дьиэ буо!
Ол улуу күтүр
2940 Утуйбут буоллаҕына,
Өһөх көкөччөнөн
Өрүтэ уһуура сытара буолуо.
Уһуктаҕас буоллаҕына,
Уот сымаланан
Сабыта-тибиирэ сытара буолуо,
Сэрэнэн-сэрбэнэн

- 73