Page 76 - Алаатыыр Ала Туйгун. 2-с үйэтэ

Айыы Ньулурдаан Куону
Эн диэтэх киһиэхэ
Эргэ тахсар буолбутун кэннэ
Симэҕин-таҥаһын
Ситэри тэрийиэхпит,
Энньэтин-сэтиитин
Элбэхтик бэлэмниэх этибит
Онон тохтуу туе диэн,
Көрдөспүтэ-ааттаспыта буолбуппут.
2870 Ону ылынан
Ол ынырыктаах абааһы
Мантан туе хоту диэки
Аҕыс аабылаан
Анараа өртүгэр,
Тоҕус тумара
Улаҕа өртүгэр
Тоҥ булууһу
Тобулу ириэрэн,
Буор тумул саҕа буолан,
2880 Утуйа сытара буолуо.
Уһугуннаҕын аайы
Бу биһиги
Киһибитин-сүөһүбүтүн
Кини аргыс абааһылара
Кыдьык дапсыыр
Хара ураҕастарынан
Кыйдаан-таһааран,
Мэҥиэстэр бэлэһигэр
Симэ тураллар.
2890 Айыыбыт аймаҕын
Аҕыйатан эрэллэр.
Өскөтүн ол үлүгэрдээх
Өлөр өлүү бөҕө күтүрдээҕин
Өлөрөн-өһөрөн
Өстөөхпүтүн өһөгөйдөөн,
Дьаныардаахпытын сарбыйарбыт
Эбитэ буоллар,
Айыы хаан аймахтарыгар
Алаһа дьиэни тэринэн,
2900 Аал уоту оттон,
Уһун дьоллоох олоҕу
Олоруо этибит.
Нойон киһиэ!

72 -