Page 80 - Алаатыыр Ала Туйгун. 2-с үйэтэ

Аҕыс атахтаах үөн курдук
Аҕыста-сэтгэтэ
Төкүнүйэн адаарыйбахтаата.
Соһуйан суордуу хаһыытаат,
Тоҕус бүгүйэх
Абааһы уола
Суодас гына
3040 Тура түстэ.
Тоноҕоһун устун
Салгыы үүнэн түһэн баран,
Тобугуттан ыла
Икки салаа буолбут
Буордаах сыгынаҕы
Олорчу аспыт курдук
Үс багыырдаах
Бадьыр хара атахтаах эбит.
Ол үрүт өртүнэн
3050 Үс курдуулаах
Моҕол ураһа дьиэ
Орто курдуутун саҕа
Аан курутуой
Таллан эбириэн истээх эбит.
Түөһүн сиигиттэн
Үүнэн тахсан баран,
Тоҥолоҕуттан ыла
Икки салаа буолбут
Былаа хара илиилээх буолла.
3060 Буордаах хоппону
Умсары туппут курдук
Куорай далаан
Кургуом дапсылҕа
Ытыһын хаба ортотуттан
Дьөлүтэ үүнэн тахсыбыт
Хатыылаах арҕастаах,
Хаахынай балыгы
Таҥнарыта туппут курдук
Үстүү күлүк хомоҕой
3070 Тарбахтаах эбит.
Сыма омуһаҕын саҕа
Сымастыгас сымыһахтаах,
Аһаҕас өтөх
Аанын курдук
Ардьайбыт айахтаах,
- 76 -