Page 73 - Алаатыыр Ала Туйгун. 2-с үйэтэ

Сымыытгаатаҕына ууһаан тэнийэр.
Итинник эбит буоллаҕына
Истиҥ итии тылбын
Иккистээн этэбин.
Сүгэ-балта курдук
Сүбэлэнэн көр,
Эн биһиги
2740 Бэйэбит даҕаны
Акка ыҥыыртахха,
Кэлтэгэйдээбэт тэҥ
Батыйа биитин курдук
Барааска соҕус
Дьон быһыылаахпыт.
Ох батыйа курдук
Уурунан-толкуйданан,
Уһун үйэлээх
Олоҕуҥ туһунан
2750 Кэскиллээх соҕустук
Кэрэхсэтэр гына
Кэс тылла кэпсиэ эрэ, — диэтэ.
Инньэ диирин кытта
Тыллаах-өстөөх
Чычыгыр чуоҕур аттаах
Нарын Ньургустай
Ириэнэх хаанынан
Эргиллэ түстэ.
Саҥа саҥара,
2760 Тыл кэпсии,
Өс тобула турбута
Хоһооно эгэлгэтэ
Маннык буолта үһү:
— Дьиэ буо,
Дьиэ буо!
Аллаах айаннаах,
Ахсым сырыылаах,
Араҕас сиэр аттаах
Алаатыыр Ала Туйгун
2770 Уолан киһиэ,
Уһун тускуллаах
Олохпут туһунан
Кэпсэтэр эбит буоллахпытына,
Эн биһиги
Эйэлээх доҕордуу буолан,

- 69 -