Page 72 - Алаатыыр Ала Туйгун. 2-с үйэтэ

2690 Хоммута буолуо да,
Саманнык хос санаалаах,
Куодалаах өйдөөх,
Куһаҕан сигилилээх
Хоноһо хоммутун
Көрө иликпин.
Иирээн тахса илигинэ хомунаҥҥын,
Хантан кэлбиккиний да,
Халбарыйа тардыый
Харахпар көстүмэ, — диэтэ.
2700 Онуоха буоллаҕына
Алаатыыр Ала Туйгун
Итини истэн олорон
Эппит тылын
Эбии чиҥэтэн,
Иккиһин дапсыйан
Эппитинэн барда:
— Дьиэ буо,
Дьиэ буо!
Тыллаах-өстөөх
2710 Чычыгыр чуоҕур аттаах
Нарын Ньургустай
Таптыы көрбүт
Далбарайым оҕото,
Кыыһырбыккын кыларыт,
Уордайбыккын уҕарыт.
Мин даҕаны
Дьоҥҥо-сэргэҕэ
Толкуйданан көрдөххүнэ,
Туора толоос тылы
2720 Эппэтэҕим буолуо.
Киһи буолар кэскил
Буолуо диэн,
Кэпсэтээри гыммытым.
Эн биһиги даҕаны
Үөл талах курдук
Үүнэн тахсыбатахпыт,
Сибэкки от курдук
Сиртэн үүнэн
Сиппэтэхпит буолуо,
2730 Сүүрэр атахтаах кыыл
Тобуктаан үөскүүр,
Көтөр кынаттаах кыыл
- 6 8