Page 71 - Алаатыыр Ала Туйгун. 2-с үйэтэ

Саҥарбыт саҥабын
Хардалаа эрэ,
2650 Ис сүрэхпиттэн баҕаран
Эппит тылбын эппиэттээ эрэ,
Бука кырдьык тылым бу буолар
Буойака, — диэтэ.
Итини истээт,
Нарын Ньургустай
Дьигис гынна,
Дьэбидийэ түстэ.
Хаана быһытынна,
Хараҕа уотганна,
2660 Кырыытынан соҕус
Кынчыатаата,
Иэдэһинэн эргийдэ,
Олбу-сулбу тыынна,
Утуу-субуу саҥарда:
— Дьиэ буо, дьиэ буо!
Хайа дайдым хапчаҕайын
Хайа тэбинэн,
Хааман кэлбит
Халларааннаах тыллаах,
Хабысхата суох саҥалаах,
2670 Халы-мааргы оҕото кэлэн,
Хабарҕаҕынан күлэн,
Хабдьыгырыы олороҕун,
Туох дойду дьулаҕайын
Тобулу тэбинэн,
Туран кэлбит
Солуута суох саҥалаах
Чочулҕан уола кэлэҥҥин,
Чобуоркуйа олороҕун.
Көрдө көрөөт,
2680 Күлүү-оонньуу оҥостоҕун дуу?
Кэпсэтээри кэпсэтээт,
Кэрэгэйдик кэпсэтэр
Кэбэркэй киһитэ эбиккин,
Ыалдьыт да бөҕө
Сылдьыбыта буолуо да,
Саманнык ыыс тыллаах
Ыалдьыт сылдьыбытын
Ыһылы* билбэтэҕим.
Хоноһо да бөҕө

- 67 -