Page 81 - Алаатыыр Ала Туйгун. 2-с үйэтэ

Алдьаммыт хоспох
Истиэнэтин курдук
Адаа-бьщаа тиистээх,
Олуннъу ый
3080 Уон эргэтинээҕи
Ойбон хайыҥын курдук
Оллур-боллур уостаах,
Сири-саары сирэйдээх,
Көйүүлээх ойбон курдук
Хаспахтаах халтаһалаах,
Сүүһүн хаба ортотугар
Сүүрдэммэтэх чардаат курдук
Түҥнэри көрбүт харахтаах,
Онон-манан хоһуун киһи
3090 Кустуур ураҕаһын курдук
Үөргү-сүөргү кыламаннаах,
Төбөтүн оройуттан өрүкүччү үүммүт
Чычынньыар ойууру
Дэлби тэпсибит курдук
Тимир ытыаллыма баттахтаах,
Сэттэ ИЛИИ
Дьэбиннээх сирэйдээх,
Аҕыс илии
Ардахтаах чабырҕайдаах,
3100 Тоҕус илии
Тордохтоох ньуурдаах,
Сут иччитэ буолбут
Сутул төрүөт төрдө
Тимир күҥкүрээки сонноох,
Оһол-төрүөт төрдө
Оллур-боллур олооччулаах,
Ыарыы-сүтүү төрдө буолбут
Ыар сыҥсаар
Хараҥа ыстааннаах,
3110 Өлүү-сүтүү төрдө буолбут
Өлүнньүк хараҕа үтүлүктээх,
Сир сидьиҥэ
Нэннэкэтэ сэлээппэтин
Лэглэччи кэппит,
Кубулаҥ халлаан
Кубулҕата курунан
Куодьаччы курдаммыт,
Былыт бытгаҕа былаатынан
- 77 -