Page 82 - Алаатыыр Ала Туйгун. 2-с үйэтэ

Мычаччы былааттаммыт,
3120 Халлаан хамсыга хаалтыһынан
Халчаччы хаалтыстаммыт.
О мук киһи
Буор холомсотун саҕа
Чой хара токкууһатын
Сулбу тардан таһааран,
Топ-топ тоҥсуйан баран,
Тутуулаах киһи
Куоппуна бугулун саҕа
Суудал кумах боруоскатын
3130 Ытыһын хаба ортотугар
Чөмчөччү кутта.
Таныытын тар омуһаҕын саҕа
Тартатыаҕынан тартаран баран,
Табаахтаан-сатаарыйан,
Боруоскалаан бордостон,
Аһыырҕатан ардастан,
Сыллаан сьшластан,
Ытырдан ыыра сытыйда.
Хахсайан хайа барда,
3140 Сөтөллөн дьөлө ыстанна,
Көлүйэ күөл саҕа
Күөх ньалбаҕынан иик аллайда,
Саах күрдьүк саҕа
Хара чалахайынан
Саба сыптарыйда.
Тумул быһаҕаһын саҕа
Туман ыыспанан
Тоҕо утуруктаата.
Ыаҕаһынан холобурдаах
3150 Ыылаах ыар сыт
Ыһылла түстэ.
Холлоҕоһунан холобурдаах
Хуордаах-холоҥсолоох сыт
Кутулла түстэ
Айаҕытган ат баҕа адаарыйда,
Муннуттан моҕой үөн быгыахтаата.
Икки чанчыгыттан
Аҕыс атахтаах
Ааҕый үөн курдук
3160 Таабый хара быта
Таҥнары ыадалыһан түстүлэр.
78
-