Page 85 - Алаатыыр Ала Туйгун. 2-с үйэтэ

Арыы саһыл хааннааҕыгган
Арыый сөбүлүү көрөн,
3250 Арай бу
Толомон Суорун оҕонньор
Тоҥкуруун Баай эмээхсин
Аччыгый кыыстара
Аҕыс былас суһуохтаах
Айыы Ньулурдаан Куо диэн
Кыыстарын ылан бараарыбын,
Симэҕэ-таҥаһа
Сиппит буоллаҕына,
Сибилигин
3260 Сиидэ курдук сиксийэн,
Күл курдук булкуйан,
Күдэн гынан көтүтэн,
Аҕыс баҕаналарын адаарытан,
Тоҕус тулааһыннарын чоротон,
Икки атахтааҕы эһэн,
Имириир тыастааҕы мэлитэн,
Сүгүннэрэн-боҕуннаран,
Илдьэ барар күнүм буолла.
Ону истэҥҥин
3270 Үүнньүт-ыҥыырдьыт,
Олооччох кулут
Уол буолан барсаары,
Кэллиҥ дуо, нойон киһиэ?
Эбэтэр былдьаһаары быакаллан,
Биэримээри биэкэллэн,
Көҥөһөн-көкөллөн тураҕын дуо?
Оннук эбит буоллаҕына
Субу саманна
Турар сиргэр
3280 Тобуккун хааннаан,
Суон мүһэҕин тиниктээн,
Итии хааҥҥын
Буһуута омурдан,
Сибилигин тыыннаахтыы
Тырыта-хайыта тыытан,
Сиибин дуу,
Иккиттэн биирин
Биллэрэ оҕус, — диэтэ.
Онуоха буоллаҕына
3290 Алаатыыр Ала Туйгун
- 81 -