Page 83 - Алаатыыр Ала Туйгун. 2-с үйэтэ

Икки дьабадьытыттан
Кирис өтүү курдук
Эриэн үөн сыраана
Таҥнары субуруйан түспүтүн
Өрүтэ сыммахтаан,
Сэттэ былас
Далаҥ хамсык тылынан,
Алын өртүн түөһүн сиигинэн,
3170 Үөһээ өртүн
Кэтэҕин уолаҕаһынан,
Эргитэн аҕалан,
Туора-маары
Салбанан кэбистэ.
Ол гынан баран
Мар-сар ырыа,
Марай-сарай саҥа,
Киҥир-хаҥыр кэпсээн
Буола турда:
3180 — Буойака,
Буойака-а-аа!
Аар-дьаалы, аарт татай ини!
Бу Толомон Суорун оҕонньор,
Тоҥкуруун Баай эмээхсин
Кыыстарын симэҕин-таҥаһын ситэрэн,
Уруу-ыһыах тэрийээри,
Ь1ҥыртаран таһаарбыт
Чочулҕан мэник уоллара
Соһутан-уолутан,
3190 Туруорда дуу диэбитим —
Айыы-хаан аймахтарын
Аатырбыт-сураҕырбыт
Арбаммыт оҕолоро
Алаатыыр Ала Туйгун бухатыыр
Илэ бэйэҕинэн
Кэлэн турар эбиккин дуу?
Мин диэтэх киһи
Кэргэҥҥэ кэрэгэйдэнэн,
Дьахтарынан татыаркыйан,
3200 Ойоҕунан омсолонон,
Үөһээ дойдуга тахсаммын,
Үчүгэй дьахтары булаары,
Үтүөлэри-мөкүлэри
Үлтү түүрэйдээн,
79 -