Page 87 - Алаатыыр Ала Туйгун. 2-с үйэтэ

Көҕүрэтэрбит буолуо.
Айыы дойдутугар
Аны мантан антах
Адалытыахпыт суоҕа.
Күн сиригэр
Көрүөхпүт суоҕа, — диэтэ.
3340 Инньэ диирин кытта
Абааһы уола
Аһыы үөрүйэх айаҕын атан
Алларастыы түстэ,
Сии үөрүйэх
Тииһин ырдьатга,
Мэҥиэстэн ылаары,
Бэлэһин көҥкөттө.
Тырыта тыытаары,
Тыҥыраҕын сарбатга.
3350 Сир-дойду
Сатарыйар гына
Часкыйа түһэн баран,
Саба түспүтүнэн барда.
Алаатыыр Ала Туйгун
Абааһыттан куттаныа баара дуо?
Турбут сириттэн
Тутуму да чугуруйбата,
Харыһы да халбарыйбата,
Уун утары харбаан ылла.
3360 Кинилэр диэтэх дьон
Кэтит түөстэринэн
Кэтиллэ түстүлэр.
Сир түгэҕиттэн ньиргийдэ,
Халлаан улаҕатыттан дуораһыйда.
Харса суох хады харбастылар,
Холобура суох
Куду куустустулар.
Абааһы уола урукку курдук
3370 Тырыта тыытыам диэбитэ,
Тыныраҕа хатаммат
Ньыгыл киһи буолла.
Тииһинэн кирэн кэһэтиэм диэбитэ,
Тииһэ хоппот,
Тэтиэнэх киһитэ буолла.
Дьэ, киһи эрэ буоллар
Тэҥнэһэр киһи түбэстэ бадахтаах,

- 83 -