Page 88 - Алаатыыр Ала Туйгун. 2-с үйэтэ

Ыксары үлүгэрдик
Ыгыта түсүһэн,
3380 Ылахтаһан бардылар.
Сирэй-харах диэн
Сэрэммэт дьон буоллулар.
Чиҥ балта тыаһын курдук
Ньиллиргэччи кырбастылар,
Уос-тиис диэн тумнубатылар,
Оҕус харсан эрэрин курдук
Утарыта кииристилэр,
Тохтоло суох сутуруктастылар,
Эгэлгэтэ суох эттэстилэр,
3390 Омуннаахтык охсустулар,
Кытаанахтык кырбастылар,
Хатааннаахтык хапсыстылар.
Хардаҥ хара тыаны
Хампы тэпсэн кэбиспиттэрэ,
Хайдыы кэҥис буолан
Хайыта сууллан түстүлэр.
Үрдүк хара тыаны
Үлтү тэпсэн
Үйэ-бодо тухары
3400 Үмүрүйэр үҥкүр буолар гына,
Дьөлүтэ нуораластылар.
Тумул хара тыалары
Тоҕуһун үйэтин тухары
Тосто турар
Муус уораан буолар гына,
Тоҕута тэбистилэр.
Сис тыалары сиҥнэрдилэр,
Дьэс тыымпылары тиэрэ үктээн,
Дэбилитэн таһаардылар.
3410 Сир-дойду сиҥнэһиннэ,
От-мас урусхалланна,
Кыыл-сүөл кыйданна.
Бу дойдуну
Кута-бадараан курдук
Хоннохторун анныгар диэри
Тобулу нуоралаан,
Даллаахтыы сырыттылар.
Бу гынан баран
Хайалара даҕаны
3420 Хады харбаабата,
- 84 -