Page 95 - Алаатыыр Ала Туйгун. 2-с үйэтэ

Аас мэҥилгэн байҕал
3680 Алтай чаан
Аанын курдук
Аныһыйан көһүннэ.
Ол анараа өртүнэн
Барбыт төннүбэтэх,
Киирбит эргийбэтэх,
Түспүт күөрэйбэтэх,
Тимирбит дагдайбатах
Кэлбити эҕирийэн ыла турар,
Барбыты тардан ыла турар,
3690 Күнэ-ыйа көстүбэт
Күдэрик хараҥа
Өлөр өлүү
Чөмөрөх байҕал
Үөлэс үүтүн курдук
Үмүрүйэн көһүннэ.
Ол анарааҥҥы өртүнэн
Инчэҕэй эттээх тиийбэтэх,
Үөл эттээх үктэммэтэх,
Икки атахтаах эҥэрдэспэтэх,
3700 Одун халлаан
Улаҕатыттан уһуутаабыт,
Үрдүк халлаан өрөһөтүн
Өрө салыы турар
Уот сымала байҕал
Кытыастан уһуура көһүннэ.
Бу түөрт сүдү байҕал
Төгүрүйэр тулалаах
Килэрийэр киинэ
Таһыгырыыр таас дьулаахыр арыы
3710 Хабыллар хаба ортотугар
Уһулу үүнэн турар
Туруук хайа төбөтүгэр
Түһэн олорор эбит.
Бу охсуһуулаах остуолба хайа,
Кыргыһыылаах сындыыс хайа,
Өлөрсүүлээх өрө тумул
Хатааннаах хайата,
Кыһыылаах кырдала,
Илбистээх сирэ,
3720 Садыамнаах дайдыта.
Оһол тосхойбут,

- 91