Page 90 - Алаатыыр Ала Туйгун. 2-с үйэтэ

Муҥ сатаатар
Буойун бухатыырдары
Моонньуларын муомахтаан,
Сиир буоларым, — диэтэ.
Сэттэ былас
Даллан хамсык тылынан
3470 Моонньун эрийэ быраҕан баран,
Муомахтаары бобо тардан, кычыгыратга.
Туту да гыммата,
Тыла уһулу ыстанаары гынан
Төтгөрү-таары
Салбанан кэбистэ.
Саманнык диэн
Саҥа саҥаран,
Сатаарыйа турда:
— Буойака, буойака-а!
3480 Уу харахтаах,
Утары ньуурдаах,
Уһаты уллуҥахтаах,
Уу-буор эттээх
Урааҥхай саха
Уулдьаҕай оҕото
Уон тарбаҕынан
Утары дуксуйуо диэбэтэҕим.
Унуоҕун кытааппыт,
Силгэҥ сиппит,
3490 Тэтиэнэх соҕус оҕо
Төрөөбүт эбиккин,
Нойон киһиэ-э!
Бу дойду
Сирэ-буора
Сымнаҕаһа бэрт эбит.
Сиир да киһи
Ситэн сиэ суох.
Өлөрөр да киһи
Өнүйэн да өлөрүө суох.
3500 Бу сир ийэ
Кллэрийэр киинэ,
Орто дойду дьуларыйар
Дьулайа буолбут
Охсуһуулаах остуолба хайа,
Кыргыһыылаах кындыыс хайа диэн баар.
Онно тиийэммит
86
-