Page 97 - Алаатыыр Ала Туйгун. 2-с үйэтэ

Имэҥнээх дьэбир тыаллаах,
Уолан киһи
Уоһун хаанын
Супту оборон ылар
Оботтоох хобдох салгыннаах,
3770 Кылыс-батыйа биитигэр
Кылана часкыйар
Кыыдааннаах-саталаах,
Тоҕус уон оһоллоох
Добун холорук
Тоҕо ытылла турар
Туруук хайалара
Дьулааннаах үл үгэрдик
Тулалаан тураллар эбит.
Аҕыс уон
3780 Аан холорук
Таҥнары сатыылаабыт
Алдьархайдаах садыамнаах,
Адаардаах төбөлөөх,
Аарыма таас хайалаах.
Амырыын баҕайытык
Адаарыһан көстөллөр эбит,
Иккилээх иринньэх оҕо саҕа
Илбис төрдө,
Эрэй иччитэ,
3790 Илэ-бодо
Энэлийэ-туойа
Сэрбэҥнээбит сирэ буолла.
Олорор оҕо саҕа
Оһол-төрүөт төрдө,
Ночоот иччитэ
Тута-бааччы чуубурҕаспыт
Дойдулара буолла.
Саах балбаах саҕа
Сараһын эмэгэттэрэ часкыйа-часкыйа
3800 Сабдыҥнаабыт дойдулара буолла.
Икки атахтаах
Этэ салаһар,
Иэнэ кэдэрийэр,
Куйахата күүрэр
Куру-сары дойду
Кубарыйан-дьэбидийэн турар эбит.
Бу маннык
- 9 3