Page 92 - Алаатыыр Ала Туйгун. 2-с үйэтэ

3550 Тобулу уулаан,
Тоһута көмүллээн бүтэрииһи,
Кынаттаах кымырдаҕаһынан
Кыккыраччы сыынтаатаҕына,
Кыдьык кыыбаҕа кыттыыһы,
Дьаҥ-дьаһах тарҕаныыһы,
Ыарыы-сүтүү үксүүһү.
Уһуннук охсустахпытына,
Ойуулаах-оһуордаах
Отун-маһын хагдарытыыһыбыт,
3560 Киһитин-сүөһүтүн кэҕиннэрииһибит.
Сир-дойду
Сиҥнэстииһи дии санаан:
— Баран көрүөх,
Бу күн анныгар,
Бу сир үрдүгэр
Барҕарбыт бухатыырдар
Барыбыт буолакпыт буолуо.
Соҕотоҕун эйиэнэ буолбатаҕа буолуо.
Онно тиийдэхпинэ да,
3570 Илии-илиигэ,
Атах-атахха буолуо.
Эйиэхэ илэ сиир дэриэтинньиккэ
Туран биэриэ диэтэҕиҥ дуу? — диэтэ.
Инньэ диирин кытта
Ыытыһан кэбистилэр.
Абааһы уола урут тиийбит
Ааты ылыа дии санаата,
Умсары хойуостанаат,
Аҕыс сарадах кутуруктаах,
3580 Үс моҕой төбөлөөх,
Тоҕус бүгүйэх
Бүгүдүр систээх,
Хамсык хара
Уот-субурҕа үөн буолан,
Аллараа сир түгэҕин диэки
Дэбилис гынан хаалла.
Алаатыыр Ала Туйгун
Тимир иһэҕэс мээчигин
Сиргэ дэлби бырахта,
3590 Тэниччи тарта,
Кэтэн кэбистэ,
Кынатын түүтэ
88
-