Page 91 - Алаатыыр Ала Туйгун. 2-с үйэтэ

Охсуһан көрүөх эрэ.
Буор уйбат бухатыырдара,
Сир уйбат сиилинэйдэрэ
3510 Онно тиийэннэр,
Охсуһар хайалара.
Онно тиийэммит,
Үгүһү төкүнүппүт,
Элбэҕи мэҥиэстибит,
Ээхтэрин этиппит,
Төрүөбүттэрин кэмсиннэрбит,
Сүнньүлэрин толкуйбут,
Сүрэхтэрин булкуйбут
Сирим буолар.
3520 Онно тиийдэхпинэ,
Эйигин баҕас
Иэннээх-тириигин сүлэн,
Ийэттэн-аҕаттан төрөөбүт
Эҥинэ тылгын
Этитэн көрөөхтүөм.
Көрдүөбүт күөх соргун көрдөрөөхтүөм,
Туруорбутунан сылдьан
Тоҕус мүһэҕин
Чороччу сулуйуом.
3530 Хаамтарбытынан сылдьан,
Хара куҥҥун
Хадьырыйан сиэн
Хатан уҥуоххун килбэтиэм.
Бүлтэскин да ордорбокко,
Бүтүннүү мэлитиэм,
Бараргын барбаккын
Биллэрэ тардыый.
Онно баран кыаттарарыҥ
Ааттыын да үчүгэй буолуо этэ,
3540 Нойон киһиэ-э! — диэтэ.
Онуоха буоллаҕына
Айыы бухатыыра
Толкуйдуу санаатаҕына,
Бу баҕайы
Хара былыт курдук
Хамсык үрдүнэн
Саба тибиирдэҕинэ,
Бу дойду
Ойуулаах отун-маһын сүмэтин
87 -