Page 93 - Алаатыыр Ала Туйгун. 2-с үйэтэ

Кырыылаах кылыс,
Табыталын түүтэ
Тардыылаах саабыла,
Көхсүн түүтэ
Көр болот,
Көмөҕөйүн түүтэ
Күлүмүрдэс үҥүү,
3600 Хабаҕын түүтэ
Хатан үөрбэ буола түстүлэр.
Дьааҥы ууһа
Дэгэбчилээбит дэгиэтин курдук
Дэгиэ хара тыҥырахтаах,
Бүлүү ууһа
Сомоҕолообут анньыытын курдук
Сойуо хара тумустаах,
Халлаан хардаҥ этиҥ
Барылыыр бар чоҥкуруун
3610 Өксөкү кыыл буолан
Үрдүк халлаан өрөһөтүгэр
Өрө көтөн уһууран таҕыста.
Кыырай халлааны кырыытынан,
Одун халлааны уорҕатынан,
Үрүт халлааны
Үмүрүйэр төбөтүнэн,
Араҕас халлааны
Алын өртүнэн көтөн күүгүнээн истэ.
Кынатын тыаһа кыһыырда,
3620 Куорсунун тыаһа куһуурда,
Табыталын тыаһа
Сата буолан сатараата,
Курулуур кутуруктанна,
Барылыыр бастанна.
Отут сургунньахтаах
Орто туруу дьоҕул дойду
Уйан өтүүк тумсун курдук
Умсары дьиппинийэн тиийэн баран,
Туут хайыһар
3630 Тумсун курдук
Өрө кэдэрийэн тахсан,
Кэҕэлии этэ турар
Дьалхааннаах, анысханнаах,
Дьабын таас улаҕатын
Арыы й бэтэрээ өртүгэр

89 -