Page 99 - Алаатыыр Ала Туйгун. 2-с үйэтэ

— Дьиэ буо,
Дьиэ буо!
Төгүрүйдэр төгүрүмтэтэ көстүбэт,
Эргийдэр эргимтэтэ биллибэт,
Түөрт сүдү байҕал
Килэрийэр киинэ,
Дьогдьойор саала буолбут
Охсуһуулаах остуолба хайа
Уот часкыыр иччилэрэ,
3860 Убайдарым обургулар,
Кыргыһыылаах сындыыс хайа
Кыраммыт иччилэрэ
Кыргыс кыргыттара,
Кыыра часкыыр
Хотун эдьиийдэриэм,
Истэ сэргэҕэлээҥ
Коро бүдүүлээҥ!
Адьарай бөҕө
Адьырҕатын кытта атааннаһар,
3870 Көстүбэт бөҕө
Күтүрдээҕин кытта күрэстэһэр,
Күнүм үүннэ.
Көрбүт харахпын чыпчылытымаҥ,
Туппут илиибин төлөрүтүмэҥ,
Тирэммит уллуҥахпын халтарытымаҥ,
Дьоллоох туонаҕытын
Тоһуйан кулуҥ, — диэтэ да,
Абааһы уолун
Чиккэйэр тоноҕоһун уҥуоҕун
3880 Нохтолоох тойон сүрэҕин
Туһа буолаарай диэн,
Туһулаан баран,
Тардан кэбистэ.
Ох саа оноҕоһо
Уот сындыыс буолан,
Өрө уһууран тиийэн,
Нохтолоох Тойон сүрэҕэр түһүөҕэ,
Уһуктаах сүөм
Хаалтын кэннэ,
3890 Үөгүлүү түһэн баран,
Өтүмэх устата холобурдаах
Өро ыстанан биэртин,
Солуон кыыл уллуктаах
- 95 -