Page 94 - Алаатыыр Ала Туйгун. 2-с үйэтэ

Үрдүк былыт соһуутун
Үрүт өртүнэн
Өрө үүнэн тахсан баран,
Киҥкиниир киэҥ халлаан
3640 Хабараан салгыныгар
Хастыы сууна турар
Туруук хайа
Дьулаҕай таас
Төбөтүн оройугар
Тиийэн дап гына олоро түстэ.
Түөһүн түүтүгэр
Тумсун улуу уус
Игиитин тыаһын курдук
Киикир-хаахыр аалла.
3650 Ол гынан баран
Уоттаах тууспан курдук
Хараҕынан ол-будиэки
Умсары одуулаабыта.
Соһо чуоҕур былыт ардайдаах,
Субурҕа чаҕылҕан дуксуурдаах,
Дохсун этиҥ дапсыырдаах,
Толон-самыыр ыһыахтаах
Дьулуо маҕан халлаан
Дьуларыйар улаҕатыттан
3660 Охсуллан кэлбит
Добун силлиэлээх,
Дохсун буурҕалаах,
Чуураан салгыннаах,
Сут кураайы тыаллаах
Туустаах Дьүккүүр байҕал
Тумарыктыйан көһүннэ.
Ол анараа өртүнэн
Иирээннээх-илбистээх,
Оһоллоох-ороскуоттаах,
3670 Айдааннаах-арыллааннаах,
Алдьархайдаах садыамнаах,
Айыылаах андаҕардаах,
Алтан өҥнөөх,
Арҕаа халлаан
Алын сиксигиттэн
Аныһыйан тиийэн кэлбит
Ала буурҕа тыыннаах,
Аан холорук олохтоох

- 90 -