Page 103 - Алаатыыр Ала Туйгун. 2-с үйэтэ

Түҥнэри-таҥнары көрдө,
Төбөтүгэр төрүөттээх,
Уһугар ороскуоттаах,
Биитигэр илбистээх,
Өҥчөҕөр үлүгэрдээх
Өлөр өлүү
Дапсыыр хара
4030 Болотун өрө туппутунан
Утары сүүрэн иһэр эбит.
Айыы бухатыыра
Аан дуурай батаһын уун-утары
Кыыһар былыт
Кырыытыттан кылабыччытан,
Соһо былыт
Соһуутуттан сундулутан,
Күдэрик былыт
Көмөҕөй үттэн күлүмүрдэтэн,
4040 Аҕалан түһэрдэ,
Абааһы уола
Оһоллоох былыт
Улаҕатыттан уһуутатан,
Илбистээх былыт
Кэтэҕиттэн титирэстэтэн,
Аҕалан түһэрдэ.
Иккиэн тэбис-тэҥҥэ
Төбөлөрүн сиигин устун түһэристилэр.
Халын куйах бэртэһэлэриттэн
4050 Төттөрү тэйэн
Абааһы уолун болото
Уу хорҕолдьун курдук
Хаймарыс гынан баран,
Хат көнөн хаалла.
Айыы бухатыырын батыйата
Үөл талах курдук
Өҕүллэ түһэн баран,
Халлаан дьааһыйарын* курдук
Лын' гына
4060 Төтгөрү тыыллан
Көнөн хаалла.
Кыыһар былыт кырыытыттан
Кырыйа дайбаан аҕалан,
Кырбаһа турдулар,
Кылыс кылыска кырбаста,
- 99 -