Page 104 - Алаатыыр Ала Туйгун. 2-с үйэтэ

Болот болоту булла,
Батыйа-батыйар чанырҕаата,
Үҥүү-үҥүүиү үөрдүстэ,
Сүллүгэс-сүллүгэскэ түбэстэ.
4070 Охсуһуу улаханын охсустулар,
Кырбаһыы кытаанаҕын кырбастылар.
Кинилэр диэтэх дьон
Кьшааннаах сэптэрэ кыларыйда,
Өргөстөөх уһуктаахтара үлтүрүйдэ,
Торҕо биилээхтэрэ,
Туттар сэптэрэ
Тугулугар тиийдэ,
Туһатытган ааста.
Туора-маары садьыһан кэбистилэр,
4080 Ь1гыта киирсэн туран,
Сотуулаахтык сутуруктастылар.
Саба тутуһан туран,
Сыбардык сырбатыстылар,
Тэбиэлэһии гиэнэ
Чиҥин тэбиэлэстилэр,
Үөгүлэһэ-үөгүлэһэ өттүктэстилэр,
Хаһыытаһа-хаһыытаһа халбарытыстылар,
Уҥуох тостуо диэн уҕарыйбатылар,
Харах тэстиэ диэн харыстамматылар,
4090 Сылайар диэни билбэккэ
Сырбатыһан истилэр,
Илистэр диэни билбэккэ
Эттэһэн бардылар,
Олорон тохтообокко,
Уоскуйан сынньаммакка,
Орулуур отут күннээх-түүн
Томтойо торолуйда,
Туолан кэлиэр диэри
Ордук сытайан
4100 Охсуһа турдулар,
Күн көрбөт
Күдэрик ыыспатын көтүггүлэр,
От быкпат
Ыыс-былахайынан тыыннылар,
Халлааны сырдаппат
Харана буурҕаны түһэрдилэр.
Орто дойду
Улуу муоралара

- 100 -