Page 114 - Неизвестное название

Умсулҕаннаах оҕото
Кырасыабай кыысчаана, — диэтэ.
Инньэ диирин кытта
Этиэх иннинэ
Иннигэр киирэн,
Салаа салбах курдук илиилээх,
Иннэ-бүргэс эттээх,
Үөрбэ долоҕодоһун
4550 Өргөстөөх уһуктаах,
Сүлүһүннээх түүлээх,
Оботтоох чупчурҕаннаах,
Оллур-боллур уостаах,
Сири-саары сирэйдээх,
Сытыы-кылаан тыҥырахтаах,
Тан нары баҕыыр тиистээх,
Амырьтын-аҥылҕан айахтаах,
Сытыган-үөдэн сымыһахтаах,
Хатан-үөрбэ хаастаах,
4560 Хаспахтаах халтаһалаах,
Көлбөхтөөх көмүскэллээх,
Муостаах суба харахтаах,
Дьэбиннээх сирэйдээх,
Ардайдаах чабырҕайдаах,
Тордохтоох ньуурдаах,
Түүнүктээх сүүстээх,
Хохтоох хоҥоруулаах,
Тимир сигири баттахтаах,
Моҕойдоох муруннаах,
4570 Сытыган үөн
Эриэн чиэрбэ сырааннаах,
Абааһы кыыһын
Алдьархайдаах амырыына
Илэ бэйэтинэн
Иннигэр киирэн,
Илгистэ-холгуста турар эбит.
Саманны к диэн
Саҥа сан аран,
Часкыйбахтаан барда:
4580 — Алаатыгар-улаатыгар,
И һил икпин -таһыл ыкпын,
Иэхэйэбин-чуохайабын!
Орто дойду уолчаана
Умсугуйар буоллаххына.
- 111 -