Page 109 - Неизвестное название

Аҕыс субурҕа атахтаах,
Сэттэ сарадах кутуруктаах,
Үс хос оботтоох,
4330 Соллоҥ хара төбөлөөх
Өлөр өлүү
Луо бэһэрик
Күлгэри үөн
Тус иннигэр түһэн,
Иэнинэн таһыйбахтаан
Бүгүйэхтэнэ сытта.
Бу халлаан бөҕө
Хараарар хамсыга
Түстэҕэ дуу,
4340 Сир түтэҕиттэн
Сидьшг үөнэ
Күөрэйдэҕэ дуу,
Былыт быттыга
Быстан түстэҕэ дуу,
Ап чалахай байдал
Аптаах абааһыта
Сатыылаан таҕыста дуу диэн,
Тустуулаах Дьуруо Бөҕө
Этэ тарта,
4350 Иэнэ кэдэрийдэ,
Куйахата күүрдэ.
Иккиһин көрүүтүгэр
Тимир иннэ курдук
Тэһитэ харбыыр
Тэгиэ хара тыҥырахтаах,
Чупчулҕаннаах оботтоох,
Уһун лүксүүр
Сойуо хара тумустаах,
Сэттэ былас
4360 Тимир чапчыыр тыллаах,
Үҥүү-батас курдук
Үөрбэ-долоҕоһун түүлээх,
Титирик ураһа саҕа
Тимир-бороҥ
Чөҥчөҥө кыыл буолан,
Өрүтэ ойуоккалаата,
Үөһээ-аллараа көтүөлээтэ,
Илин-арҕаа диэки
Иҥнэри-таҥнары эргийтэлээтэ,

- 106 -