Page 110 - Неизвестное название

4370 Хоту-Соҕуруу диэки
Куоҕас-иэҕэс хоҥкуллаҥнаата,
Куһадан киһи
Кулгааҕын кулугута
Уһулу ыстанар гына
Тобулу чубугураата,
Саарбах киһи
Тарайа уҥар гына
Таҥнары чабыгыраата,
Саҥа саҥаран,
4380 Ырыа ыллаан
Иэһийэ-куоһуйа олордо:
— Алаатыгар-улаатыгар,
Иһиликпин-таһылыкпын,
Иэдээникпин-кудааныкпын,
Иэхэйиклин, чуохайыкпын,
Тустуулаах Дьуруо Бөҕө
Нойон киһи,
Этэр тылбын
Истэ сэргэҕэлээ эрэ!
4390 Аллараа дойду
Ааттаах адьырҕата
Тҥмир Сигиди бухатыыр
Орто дойдуттан
Ороһулаан төрөөбүт
Умсулҕаннаах ньуурдаах
Оҕо Ньургустай диэн
Кыраһыабай кыыстарын
Кыбынан кууһан,
Күрэтэн уоран,
4400 Хорҕото тутан,
Уоран талаан,
Ойох ылан киирбитэ.
Ону батыһан,
Айыы хаан аймахтарыттан
Аллаах атахтаахтара,
Быһый быттыктаахтара,
Дьоруо тобуктаахтара,
Күдэн күүстээхтэрэ,
Эн бэйэлээх буолаҥҥын
4410 Эккирэтэн истэҕиҥ дуо?
Нойон киһиэ!
Аллараа дойду
- 107 -