Page 111 - Неизвестное название

Аҕыс уон
Ааһар беҕө албастаах
Адьырза бөҕөлөрүн кытта
Абырыныам диэн
Айаннаан иһэҕин дуо?
Togyc уон
Куотар бөҕө кубулҕатгаах
4420 Дуолан бухатыырдарын кытта
Туруулаһан охсуһан
Тулуһуом диэҥҥин,
Тоҥоттоох суолун
Сонордоотуҥ дуо
Нойон киһиэ?!
Аартыккар тоһуйан
Айа буолан тардылынным,
Иннигэр кэлэн
Илим буолан кэтилинним,
4430 Суолгар киирэн
Туһах буолан муомахтаатым.
Ол кимҥиний диэтэххинэ,
Тимир Сигиди бухатыыр
Быһылааннаах балта,
Сиэмэх киэнэ бэрдэ
Дьэкистэй Хара Удаҕан диэн
Мин диэтэх обургу
Кэлэн турабын.
Сибилигин сиир күнүм
4440 Тирээн кэллэ,
Кэриэс тылгын эт,
Кэс тылгын кэпсии
Оҕус,— диэтэ.
Инньэ диирин кьгтта
Этэн баран
Эҕэрийиэх ис кырыытыгар,
Көрөн баран
Чипчилийиэх* бэтэрээ өттүгэр
Өйдөнөн кэлбитэ —
4450 Отут былас
У от субурда
Моҕой буолан
Сототун ортотуттан
Хантайар муос
Хабарҕатыгар диэри
- 108 -