Page 151 - Неизвестное название

Алларастыы түстэ.
6220 Көмүк сулларын курдук
Күһүгүрэтэн күллэ,
Саҥа аллайан
Сатарыта күллэ:
— Буойака, буойака!
Айыы хаан аймахтарыттан
Албан ааттааҕа,
Дьоһун сурахтааҕа,
Араҥас сиэр аттаах
Алаатыыр Ала Туйгун бухатыыр
6230 Уоҕан уола
Тустуулаах Дьуруо Бөҕө
Эрдэ бэлиэр кэлэн
Иннибэр тоһуйбут
Эбиккин дуу, нойон киһиэ!
Бу дойду
Toijyc уон кубулҕаттаах
Буончулаах суолун
Тугунан тобулан
Сонордоон кэллиҥ?
6240 Аҕыс уон
Ааһар албастаах
Араскааттаах аартыктарын
Арыйан кэлэн,
Ааһан-куотан
Аианнаан кэллиҥ дуо, нохоо?
Эдэр кынныһаҕым
Эрдээх-хорсун соҕус
Эр бэрдэ эбйккин дуу?
Эһиги кыыскытын
6250 Үүт оҕото улдьаҕай буолуо,
Сүөгэй оҕото сүөгэл буолуо
Түргэн айаҥҥа
Тулуйуо суоҕа диэн,
Оргууй соҕус айаннаан кэллим.
Балтыҥ Оҕо Ньургустайга
Энньэ кулут буолаары,
Батыһан кэлбит буоллаххына,
Аппын ыҥыырдатар,
Атахпын сыгынньахтыыр,
6260 Ороммун оҥотторор
Олооччох кулут
- 150 -