Page 149 - Неизвестное название

Өртүгүн баһынан,
Бэртэрин синньигэс биилинэн,
Хорсуттарын хонноҕун аннынан
Куотан көстөр
Адьарай бөҕө адьырҕата,
Көстүбэт бөҕө күтүрдээҕэ кэлэн,
Атын миинэн
6140 Адалыйан олорор эбит.
Ол буоллаҕына били
Тимир Сигиди бухатыыр
Умсулҕаннаах ньуурдаах
Оҕо Ньургустайы уоран-талаан
Сүгүннэрэн-бөҕүннэрэн,
Айаннаан-кутаҥнаан,
Ахталытан кэлэн,
Сибилигин аҕай
Сэргэтин төрдүгэр түспүт эбит.
6150 Онно тэһиин тутаары,
Мин, мин урут диэн,
Бэрт былдьаһан,
Бэригилдьиһэн кэлэн,
Бэрис-күрүс, хапчыс,
Ырас-көдөс, суодас-аадас
Ууналаһан эрэллэр эбит.
Били гынан эрдэхтэринэ,
Тустуулаах Дьуруо Бөҕө
Ийэтин кылыһын
6160 Өрө туппутунан
Өксөкүлүү үөгүлээтэ,
Хахайдыы хаһыытаата,
Эмискэччи үлүгэр
Ыстанан тиийдэ.
Абааһы уолаттара
Соһуйан-уолуйан,
Үрүө-түрүө
Үрэллэ түстүлэр.
Тустуулаах Дьуруо Бөҕө
6170 Саманнык диэн
Сана саҥара турда:
— Дьиэ-буо, дьиэ-буо!
Бу аллараа дойду
Ааттаах адьырҕата,
Тимир Сигиди бухатыыр,

- 148 -