Page 150 - Неизвестное название
P. 150
Эн диэтэх киһи
Күн өркөн уустарыгар күндү үчүгэй
Күтүөт оҕо буолан күөкэйэн,
Умсулҕаннаах ньуурдаах
6180 Оҕо Ньургустайы
Ойох ылан барбыккын
Айыы хаан аймахтара
Аллараа дойду
Ааттаах-сурахтаах
Атамааннарын кытта
Аймахтыы -уруулуу
Буоллахпыт диэннэр,
Үөрэн-көтөн
Үмүөрүһэн эрэллэрэ.
6190 Мин буоллахпына
Балтым умсулҕаннаах ньуурдаах
Оҕо Ньургустайы
Үчүгэй киһиэхэ түбэспит диэн,
Үөрэн-көтон
Урут куота тиийэннэр,
Уруулара-ыһыахтара
Куотуо диэммин,
Тиэтэл бөҕенөн
Тиийэн кэлбитим.
6200 Онтукам баара
Көһүтэрбэр көхсүм саалынна,
Кэтэһэрбэр буолан
Кэтэҕим кеһүйдэ.
Сыыдам соҕус
Сырыылаах киһи буолуо диэбитим
Сыылба соҕус киһи буолууһугун дуу?
Сырыттаҕыҥ тугун
Сыылбатай, доҕоор.
Аллаах соҕус
6210 Айаннаах киһи буолуо диэбитим,
Аккыраҥ баҕайы
Күтүөт буолсуккун дуу,
Айаннаатаҕыҥ баҕас тугун бытаанай,
Буойака! — диэтэ.
Онуоха буоллаҕына
Тимир Сигиди бухатыыр
Айаҕын алдьаммыт өтөх
Аанын курдук ардьаччы атта,
- 149 -
