Page 155 - Неизвестное название

Былдьаһан-тарыһан,
Бытанан-ыһыллан үөскээбит
Ылаахаан-илэ эхээн
Биистэрин ууһуттан
Быһар быһаҕастарын
Быһыта дайбаан а^алыҥ.
Ураадыйар уһун
Урууну оҥоруохпут,
Ытык ыһыаҕы ыһыахпыт,— диэтэ.
6400 Инньэ диирин къггга
Абааһытын аймахтара,
Көстүбүттэрин күтүрдэрэ
Халлаан улаҕатыттан
Сир сиксигин диэки
Хара күдэн буолан
Өрүкүс гынан хааллылар.
Абааһы киэнэ адьырҕалара
Адаарыһан хааллылар,
Көстүбэт киэнэ күтүрдэрэ
6410 Күөдэлиһэ түстүлэр,
Сыылба сырыылаахтара
Сыылаҥхадаһан кэллилэр,
Бохоойу өттүлэрэ
Мустан буодалластылар.
Тустуулаах Дьуруо Бөҕө
Тимир Сигиди бухатыырга
Уун-утары
Тонолуппакка супту
Көрөн туран,
6420 Саҥалаах-иҥэлээх буолан барда:
— Дьиэ-буо, дьиэ-буо!
Бу аллараа дойду
Аптаах адьырҕата,
Торолуйар тойоно буолбут
Тимир Сигиди бухатыыр,
Күн айыы аймахтарыгар
Күтүөт оҕо буолан бараҥҥын,
Кулут-чаҕар оҥостуом диэн,
Күүстээх күөмэйгинэн
6430 Күүркэйэ көрсүбүккүн,
Хомойо санаатым,
Тобохпун аһатан,
Сорукка сылдьар
- 154 -