Page 154 - Неизвестное название
P. 154
Хаппарын саба охсон кэбистэ
Уонна ыллаан ыыра барда,
6350 Туойан тоҕу ыстанна:
— Буойака, буойака!
Суһал сырыылаах
Дуулаҕа бухатыырдарым,
Сыыдам айаннаах
Сылбаргы быһыйдарым,
Сибилигин бараҥҥыт
Тиэтэл үлүгэрдик
Хатааһын чолбонноро
Хапсыһан-уопсуһан,
6360 Хабырыһан-үтүрүһэн,
Халлаахтаһан айанныыр
Хабырыйсар улаҕатыгар
Хорҕолонон үөскээбит
Кулахай-халахай удьуордарыттан,
Холохой-илэхэй аймахтарыттан
Кон ү үүрэн аҕалынг.
Үгүс-элбэх
Үргэл сулустар
Үтүрүһэн-хабырыһан
6370 Үөрдүһэн айанныыр
Үлүскэннээх салгыннаах
Үрдүк добун халлаан
Үмүрүйэн түһэр улаҕатыгар
Үҥкүрүйэр сиксигэр
Үөмэлэһэн үөскээбит
Өлүгүр-холугур аймахтарын
Үстэн биирдэрин
Үлтү үүрэн аҕалын.
Араҕас аалык сулустар
6380 Аймалаһар аамыгар,
Аас-маҥан халлааным
Анысханнаах сиксигин
Алын таһаатыгар
Атааннаах-мөҥүөннээх
Аймалаһан олорор
Алаҕар-малаҕар аймахтарын
Аҥардарын хайа үүрэн
Аҕала охсуҥ!
Холуон дойду хонно§уттан,
6390 Выдан дойду быттыгыттан
- 153 -
