Page 158 - Неизвестное название

6520 Сибилигин аҕай
Тоҕута-хайыта кырбаһан,
Утарыта түсүһэн,
Охсуһан көрүөххэ дуу диэн,
Утары ыстанан иһэн,
Өрө көрөн таһаарбыта —
Хайа да өттүнэн
Хатан биилээх
Хайа охсуо суох
Хара килэдьи куйахтаах,
6530 Туох да еттүнэн
Торҕо биилээх
Тоҕо охсуо суох
Дуулаҕа бөҕө
Суостаах-суодаллаах,
Нүкэр дьүһүннээх
Көрүөхтэн дьулаан
Көстүбэт киэнэ
Күтүрдээҕэ буолла.
Кылыс батыйаҕа кыларыйар,
6540 Хатан батас халтарыйар,
Өргөстөөх үҥүү өҕүлдэр,
Соҥ сутуруктаах
Охсон хотуруо суох курдук.
Көрбүтэ — чиҥ тиҥилэхтээх
Тэбэн сиэкэнитэрин билбэтэ,
Улаан ньуурдаах
Утары дуксуйан
Утаалаһарын өйдөөбөтө,
Хатан тарбахтаах
6550 Хады харбаһан,
Сабырыйыа дии санаабата.
Биирдэ батары
Харбыах курдук
Баҕыыр хара тыҥырахтаах,
Содотохто хам тутан
Хампы имэрийиэх курдук
Туорай дапсыыр ытыстаах,
А^ыйахта ыстыах курдук
Адаа-быдаа тиистээх,
6560 Олунньу ыйым
Уон эргэтинээҕи
Ойбон хайыҥын курдук
- 157 -