Page 159 - Неизвестное название

Оллур-боллур уостаах-тиистээх,
Тус-туһунан
Уурталаабыт курдук
Томороон-имэрээн
Сотсуҕой-итэҕэй дьүһүннээх,
Саах балбаахтары
Сыбах-ибэх
6570 Сыһыарбыт курдук
Сылластан-иллэстэн көстөр
Сыбар дьулаан
Дьэбиннээх сирэйдээх,
Сүүрдээбэтэх чардаат курдук
Түҥнэри көрбүт харахтаах,
Үөлэн сиэн ааспыт түөкүттэр
Үөрбэ-батас үтэһэлэрин
Өрүтэ туппут курдук
Үөргү-сүөргү кыламаннаах,
6580 Чэчинньиэр ойууру
Силлиэ-холорук
Тиэрэ-маары
Ытыйбытын курдук
Тимир ытыалыма
Сигидийбит баттахтаах,
Сибилигин аҕай
Сиэри гыммыт курдук
Сигидийэн турда,
Өлөрүөм диэбиттии
6590 Өһүөннээхтик көрдө.
Адьарай саҥата
Көстүбэт киэнэ
Күтүрдээх үлүгэрэ
Күөнтээн бүрүүкээн
Күлүгүрэн-суодайан турда.
Туруулаһан да
Туһа кэлиэ суох,
Охсуһан да
Утаалаһыа суох,
6600 Сөрү диэн сөхтө
Төттөрү чугуруйда,
Бэри диэн бэркиһээтэ
Кэннинэн тэйдэ,
Тиэрэ чинэрийдэ.
Маннык үлүгэрдээх

- 158 -