Page 157 - Неизвестное название

Сибилигин аҕай
Аан чэчири анньан,
Түөлбэ түһүлгэни
6480 Тэрийээри турабын.
Дуолан бухатыырдарбын
Кытга туһуннарыам,
Нүһэр бөҕөлөрү кытта
Нөрүөн көрсүһүөҥ,
Буойун бухатыырдарбын кытта
Мүһэ былдьаһан,
Уол оҕо барахсан
Уйаныҥ-хатаныҥ биллиэ.
Унуоҕуҥ тосторунан оонньотуом,
6490 Иһиҥ тэстэринэн аһатыам.
Эр бэрдэ буоллаххына эллэһиэҥ,
Уйан буоллаххына охтуоҥ,
Саарбах буоллаххына сарбыллыаҥ.
Ол мин диэтэх киһи
Дуула§а бухатыырдарбын кытта
Тулуһан турууласпатаргын эрэ
Үөлэ-үөлэ үөмэхтэһэн,
Салла-салла
Сыпсырыйан да бардахтарына,
6500 Боруоҕа суох дьон буолуохтара.
Оноҕос курдук оҥоһун,
Сэргэ курдук сэрэн,— диэн баран,
Халлыгыраччы алларастаата,
Күһүгүрэччи күллэ.
Тустуулаах Дьуруо Бөҕө
Бу аллаах адьарай бөҕө
Айаҕын абатын,
Тумсун тууһун
Көрөҕүөт, көрбөккүөт,
6510 Алыс абарда,
Кырдьык кыһыйда,
Уордаах санаата
Уолугун үүтүнэн
Оргуйа түстэ.
Кыыһырыах санаата
Хорук тымырдарынан
Кутуллан кэллэ,
Кыра тымырдарын устун
Кыынньа түстэ,
- 156 -