Page 153 - Неизвестное название

Сыылаҥхайдаһан таҕыстылар,
Тойоннорун аттыгар тула мустан
Суодаҥнаһа түстүлэр.
Онуоха буоллаҕына
Тойонноро Тимир Сигиди бухатыыр
6310 Саҥа аллайан,
Сатыарыйа түстэ:
— Бу айыы хаан аймахтара,
Алтан түөстээх
Айыы далбарайдаах,
Күн өркөн уустарыттан
Кемүс түөстээх
Күндү күөрэгэйдэрин
Көстөр үтүө мөссүөнүн
Көрүөххүтүн баҕарар буоллаххытына,
6320 Көрдөрөөрү гынным.
Хараххытын хастыҥ,
Кыламаҥҥытын ыраастаныҥ,
Кулгааххытыҥ чөрөтүҥ,— диэн баран,
Булчут тоҥус
Буор холомотун саҕа
Муос килэдьи
Ботуоҥка хаппарын иһиттэн
Умсулҕаннаах ньуурдаах
Оҕо Ньургустайы
6330 Моонньоох баһыгар диэри
Быктаран көрдөрдө.
Адьарай бөҕө атамааннара,
Көстүбэт бөҕө күтүрдэрэ
Күн айыы аймахтарыттан кэлбит
Кэрэ дьүһүннээх
Кийииттэрин көрөөрү,
Ү м үөрүһэн-хабырыһан
Үрүт үрдүлэригэр
Үлтү тэпсиһэн,
6340 Өрүтэ үөмэхтэһэн
Үөгүлэһэ түстүлэр.
Тэтиэнэхтэрэ силэйдэ,
Кытаанахтара кыһарыйда,
Хардааччылара хабырыйда,
Көрбүт көрдө,
Көрбөтөх көрбөтө.
Тойонноро Тимир Сигиди бухатыыр
- 152 -