Page 162 - Неизвестное название

Адьырыс гынна,
Сөрүү туттан
Сөҕүрүс гынна,
Ин нэри хайыһан
Иҥиэттэн кэбистэ,
Айха-тайха ырыа,
Иһий-таһый
Тойук туойа турда:
6700 — Буойака, буойака!
Тустуулаах Дьуруо Бөҕө
Тойон киһиэ,
Хаһан көрбөтөх
Балтыгын көрөөрү,
Көһүтэ санаатыҥ,
Көрдөр диэн
Көрдөһө тураҕын,
Холуон дойду хонноҕор
Холуннаран дьүдьэтэн,
6710 Ыраах-уһун айаҥҥа
Ырыарбыта-илиһиннэрбитэ
Буолуо диэҥҥин,
Аһына санааҥҥын,
Амырахтыйдыҥ дуо, нойоон?
Эһиги кыыскытын
Эдэр бэйэтин
Элэтиэм суода,
Кыыс бэйэтин
Кыларытыам суоҕа,
6720 Собулҕалаах бэйэтин
Солбонутуом суоҕа,
Былыттаах халлааҥҥа быктарбакка,
Үксүөннээх күҥҥэ өҥөлпөккө,
Самыырдаах халлааҥҥа таһаарбакка,
Саһыаран-кистээн,
Кыараҕаспар кыбытан,
Сүрэхпэр таҕайан,
Быарбар сыһыаран,
Эрбэҕим анныгар батгаан,
6730 Имэрийэн-томоруйан,
Ибигирэтэ н-сабыгыратан,
Эһигиннээҕэр ордук
Илдьэ сылдьыам, нохоо!
Эрэн да итэҕэй,
- 161 -